'मानव अधिकार'

​मानव अधिकार हरेक मानवको जन्मसिद्ध अमूल्य अधिकार हो, समता, स्वतन्त्रता र सम्मानपूर्वक बाँच्न पाउने सबैको अधिकार हो। जात, धर्म, भाषा लिङ्ग वा वर्गका आधारमा विभेद गर्नु हुँदैन। न्याय, मानवताको बाटो छोडी सभ्य समाज कहिल्यै बन्न सक्दैन।

​कानुनको नजरमा सबै नागरिक समान हुनुपर्छ। दोषीलाई कानुनी सजाय र पीडितलाई न्याय मिल्नुपर्छ। आफ्नो अधिकार प्रयोग गर्दा अरूको अधिकारको सम्मान गरौँ, अधिकारसँगै कर्तव्य र जिम्मेवारी पनि पुरा गरौँ।

​मानव अधिकारको संरक्षण भए शान्ति र सद्भाव कायम हुन्छ, समता र स्वतन्त्रताको विकाससँगै राष्ट्र पनि समृद्ध बन्छ। आउनुहोस्, अन्याय, हिंसा र विभेदविरुद्ध एकजुट भई अघि बढौँ, मानव अधिकारको सम्मान गर्दै सभ्य र समतामूलक समाज निर्माण गरौँ।

​मानव अधिकार केवल किताबका पानामा सीमित नरहोस्, हरेक मानिसको व्यवहार र जीवनमा यसको अनुभूति होस्। सम्मान, स्वतन्त्रता, समता र न्यायको ज्योति सधैँ बलिरहोस्, मानव अधिकार संरक्षण गर्दै हाम्रो देश सधैँ अघि बढिरहोस्।

​नाम : समिक्षा आचार्य

कक्षा : ९